Սամվել Ալեքսանյանը բացահայտել է իր հաջողության գաղտնիքը
Հայտնի է, որ Նիկոլ Փաշինյանը ՀՀ վարչապետի պաշտոնը ստանձնելուց հետո բազմաթիվ հարցերում փոխեց իր դիրքորոշումը, որն արտահայտում էր նախկին ՀՀ ԱԺ պատգամավոր Սամվել Ալեքսանյանի նկատմամբ:
Պատգամավորի կարգավիճակում Նիկոլ Փաշինյանը Ազգային ժողովից տարբեր ժամանակահատվածներում ներկայացնում էր Սամվել Ալեքսանյանի կատարած հանցագործությունները, իսկ ահա «Նոր Հայաստանում» Սամվել Ալեքսանյանը «գործարար է և բարերար»։ Ըստ տեղեկությունների՝ Սամվել Ալեքսանյանը շատ ջերմ հարաբերություններ ունի Նիկոլ Փաշինյանի ընտանիքի հետ։ Նրանց կանայք հաճախ են շփվում և մտերիմ ընկերներ են։
Բացի այդ, Սամվել Ալեքսանյանը հանդիսանում է ՀՀ վարչապետի տիկնոջ՝ Աննա Հակոբյանի հիմնադրամների ամենաակտիվ հովանավորներից մեկը։
Նիկոլ Փաշինյանն այս ընթացքում մասնակցել է նաև Սամվել Ալեքսանյանին պատկանող Սարտեքս ընկերության ֆաբրիկայի բացմանը:
Սամվել Ալեքսանյանը, սակայն, աշխատել է իր հարաբերությունները պահել նաև նախկինների հետ: Վերջերս մասնակցել է երրորդ նախագահ Սերժ Սարգսյանի տիկնոջ՝ Ռիտա Սարգսյանի հոգեհանգստի արարողությանը: Ներկաներին նրա ներկայությունը շատ է զարմացրել, գործարարն ասել է, որ ինքն ունի մեկ առավելություն, դա ամոթ չունենալն է, և հենց դա էլ իր հաջողության գաղտնիքն է:
Հետևեք մեզ Viber-ում
