Ակտիվիստները «Դավաճան» գրությամբ պիտակներ են փակցրել իմքայլականների մեքենաներին

«Հրապարակ» օրաթերթը գրում է.

Ակտիվիստները երեկ հետաքրքիր ակցիա իրականացրին Ազգային ժողովի դիմաց։ Նրանք, բացի Դեմիրճյան փողոցի մուտքի մոտ «Իմ քայլը» խմբակցության պատգամավորներին «դավաճան» վանկարկումներով դիմավորելուց, նաեւ «Դավաճան» գրությամբ պիտակներ էին փակցրել նրանց մեքենաների վրա: Այդ պիտակների մասին իմքայլականներն իմացան երեկ երեկոյան՝ ռազմական դրության վերացման մասին արտահերթ նիստի ավարտից հետո միայն։ Իսկ մինչ այդ նիստերի դահլիճում բուռն քննարկում էր ընթանում, մի պահ անգամ ԲՀԿ-ական եւ իմքայլական պատգամավորների միջեւ քաշքշուկ սկսվեց, ինչը ծեծկռտուքի չվերածվեց միայն անվտանգության աշխատակիցների միջամտության շնորհիվ։