Նիկոլ Փաշինյանի հանցակիցը

Պատմությունը դավաճանի խարանը դրոշմելու է ոչ միայն Նիկոլ Փաշինյանի, այլեւ նրա բոլոր հանցակիցների ճակատներին, հատկապես նրանց, ովքեր կարող էին բան փոխել, բայց չարեցին՝ գերադասելով իրենց պաշտոնը, աթոռը հայրենիքից:

Նրանցից մեկը ՀՀ նախագահ Արմեն Սարգսյանն է, մարդ, ով իր նախագահության ընթացքում բյուջեի հաշվին շրջագայելուց, երեխաների հետ պաղպաղակ ուտելուց, ցուցարարների հետ պարելուց բացի եւ ոչ մի բանով աչքի չընկավ, այսօր կարող է շրջել պատմության այս ամոթալի էջը, բայց շարունակում է գլուխը գետնի տակ թաքցրած ապրել: Արցախի մասին հայտնի փաստաթուղթը ստորագրելուց ժամեր անց նա փորձ արեց իրեն մաքրել պատասխանատվությունից՝ հայտարարելով, որ չի իմացել եւ մամուլից է տեղեկացել դրա մասին:

Հիմա, մեկ շաբաթ է, երբ արդեն գիտի, ինչ է արել այս մարդը: Եւ ինչ է անում, թոզփչոցի, հայտարարել է քաղաքական խորհրդակցություն, իր սիրած զբաղմունքով՝ ֆոտոսեսիայով է զբաղված: Սա հույս ունի, որ կարող է ինչ-ինչ հանցավոր պայմանավորվածությունների արդյունքում ստանձնել պետության ղեկը, այս մարդը չի գիտակցում, որ ամենագունեղ երազում ինքը չպետք է ու չի կարող նման բան տեսնել, այս ժողովուրդը տեսել է իրեն էլ իր գործն էլ, իր տեսակն էլ: Դավաճանի հանցակիցները նույնքան դավաճան են եւ նրանք չեն կարող տեղ ունենալ այս երկրում: Ավելին վաղը կարող է պազվել, որ ինքն էլ է անմիջապես մասնակցել երկիրը ծախելու այս ծրագրին: Հրանտ Բագրատյանը երկու օր առաջ հայտարարեց, որ բրիտանական «Էկոնոմիստ»՝ The Economist պարբերականը նյութեր է հրապարակել, համաձայն որի «ամբողջ օպերացիան կազմակերպված է եղել Բրիտանիայի հետախուզության պետ, այդ հիմնարկը կոչվում է ԱԳՆ հետախուզություն, Ռիչարդ Մուրի կողմից»: Մեծ Բրիտանիայի կողմից Հայաստանում ներդրված այս պաշտոնյան միգուցե անմիջապես է կանգնած թուրքական այս ծրագրի գլխին, ինչպես Ամուլսարի, ՍԴ-ի , դատարաննեի նկատմամբ տեռորի, եւ ասվածի ապացույցն էլ նրա լռությունն էր:

Արմեն Սարգսյանը, ի պաշտոնե, համարվում է սահմանադրության պահպանման երաշխավորը, ուստի նա ունի ամենաուժեղ զենքը, կարող է ընդամենը մեկ ուղերձ լինել, որով նա կարող է ուղղորդել հասարակության տրամադրություններն ու գործողությունները: Այս պահին նա կարող է միայն մեկ ուղերձով հայտարարել, որ վարչապետի ստորագրած փաստաթուղթը չունի իրավական ուժ և դա հիմք է Գլխավոր շտաբի պետի համար, որպեսզի նա հրաժարվի պայմանագրի պահանջը կատարել: Պարզապես նա պետք է օգտվի իր կարգավիճակից, և որպես սահմանադրության երաշխավոր հայտարարությամբ դիմի բանակի հրամկազմին, ժողովրդին ու Ազգային ժողովին, այդ ուղերձը իրավական արագ արձագանքման գործիք է ու կարող է շրջադարձ ապահովել:
Չարեց այս մարդը, հրաժարական էլ չտվեց՝ դառնալով Փաշինյանի հանցակիցը:

Անի Սահակյան