ՀՌԱՀ-ում 2 թափուր տեղի համար մի քանի հավակնորդ կա

«Հրապարակ» օրաթերթը գրում է,- Նախագահն օրերս մրցույթ է հայտարարել Հեռուստատեսության եւ ռադիոյի ազգային հանձնաժողովի անդամների թափուր տեղերի համար: Դիմելու վերջնաժամկետը մայիսի 29-ն է: Մրցութային հանձնաժողովի նախագահ, ՀՀ նախագահի աշխատակազմի հասարակայնության եւ տեղեկատվության հետ կապերի վարչության պետ Մերի Հարությունյանը մեզ հայտնեց, որ թեկնածուների անունները հայտնի կդառնան դիմելուց հետո, այժմ ոչինչ չի կարող ասել: ՀՌԱՀ-ում այժմ 2 թափուր տեղ կա, մեկը՝ Ժիրայր Դադասյանինը, մյուսը՝ Վլադիմիր Օհանյանինը: Այս տեղերի համար մի քանի հավակնորդների անուններ կան։ Վլադիմիր Օհանյանը նույնպես մտադիր է դիմել եւ վերանշանակվել (ՀՌԱՀ անդամը 2 անգամ կարող է ընտրվել): ՀՌԱՀ անդամի պաշտոնի համար շրջանառվում են նաեւ նախկին պատգամավոր Ռուզան Առաքելյանի, Նարեկ Սարգսյանի մամուլի խոսնակ Անահիտ Եսայանի անունները: Վերջինս, սակայն, մեզ հետ զրույցում հերքեց ՀՌԱՀ գնալու մասին լուրերը: Ի դեպ, ՀՌԱՀ-ն այժմ 8 անդամ ունի՝ նախագահը Գագիկ Բունիաթյանն է, անդամներն են Կորյուն Առաքելյանը, Հայկ Քոթանյանը, Տիգրան Հակոբյանը, Արմեն Մկրտչյանը, Ռոլանդ Շառոյանը, Ժիրայր Դադասյանը, Վլադիմիր Օհանյանը։ Դադասյանը, որ ՀՌԱՀ նախագահի տեղակալն է, այլեւս չի կարող մասնակցել մրցույթին, նա 2 ժամկետ արդեն պաշտոնավարել է: Մանրամասները թերթի այսօրվա համարում