Թուրքիան սկանդալ է հրահրել ՆԱՏՕ-ի ներսում

Die Welt գերմանական պարբերականում  Կրիստոֆ Բ. Շիլտցը գրում է,որ  Թուրքիան ցանկանում է իր վետոյի իրավունքով հասնել նրան, որպեսզի Ավստրիան անորոշ ժամանկով հեռացվի Հյուսիստլանտյան դաշինքի կարևոր ծրագրերից, իսկ ավստրիացի զինվորականները չկարողանան մասնակցել ՆԱՏՕ-ի բանակների հետ համատեղ զորավարժանքներին: Պատճառ է դարձել Վիեննայի՝ Թուրքիայի հետ ԵՄ-ին անդամակցելու շուրջ բանակցությունները դադարեցնելու պահանջը, ինչպես նաև նախգահ Ռեջեփ Թայիփ Էրդողանի հասցեին քննադատությունները՝ ասվում է հոդվածում: Պարբերականին հաջողվել է պարզել, որ վերջնական որոշումն այս հարցի վերաբերյալ կկայացվի հինգշաբթի Բրյուսելում Հյուսիսատլանտյան դաշինքի 28 երկրների ներկայացուցիչների հանդիպմանը: «Նախագահ Էդրողանը, ցավոք , վերջ ի վերջո կկարողանա հասնել ՆԱՏՕ-ի ներսում Ավստրիայի մեկուսացմանը:Դեռևս պարզ չէ, թե ինչ հետևանքներ կունենա այդ որոշումը Բալկաններում ՆԱՏՕ-ի ներկայության վրա, չէ որ Կոսովոյում խաղաղարական առաքելության համար Ավստրիան հատկացրել է ավելի քան 400 զինծառայող»,-ասել է ՆԱՏՕ-ին մոտ կանգնած անանուն բարձրաստիճան պաշտոնյան: Միևնույն ժամանակ սա միակ վիճելի հարցը չէ գալիք գագաթնաժողովին: Թուրքիայի հետ խնդիրներ ունի նաև Գերմանիան, երկու երկրների միջև հարաբերություններն ավելի են սրվել այն բանից հետո, երբ թուրքական իշխանությունները գերմանացի զինծառայողներին թույլ չեն տվել մուտք գործել Ինջիրլիք ավիաբազա: ԵթԵ Գերմանիայի կանցլեր Անգելա Մերկելին չի հաջողվի ստիպել Թուրքիային փոխել դիրքորոշումը, Գերմանիան Ինջիրլիք ավիաբազային այլընտրանք կփնտրի: