Մարդը մեր երկրի, մեր ժողովրդի թշնամին չէր, հանցագործ չէր, թալանչի չէր. Շատ անընդունելի բան է տեղի ունենում. Խառատյան

Շատ անընդունելի բան է տեղի ունենում: Ով չի կարողանում մարդու մահվան կապակցությամբ ցավակցություն հայտնել, գոնե պիտի կարողանա լռել: Գուրգեն Եղիազարյանի գաղափարները, մոտեցումները կարելի է չկիսել, բայց դրանք մեր կյանքի մասին մեր երկրի, մեր սոցիումի մի մասի գաղափարներն ու մոտեցումներն են: Գուցե Գուրգեն Եղիազարյանը դրանք շատ կատեգորիկ է արտահայտել, բայց մեր հասարակությունում միմյանց բացառող մոտեցումներով կատեգորիկ արտահատվողները քիչ չեն: Նրա հետ կարելի էր վիճել իր կենդանության ժամանակ: Մարդը մեր երկրի, մեր ժողովրդի թշնամին չէր, հանցագործ չէր, թալանչի չէր: Նա այլ տեսակ Հայաստան էր պատկերացնում և այդ տեսակ Հայատան կերտելու այլ ուղի, կերտող այլ մարդիկ էր տեսնում:
Հիմա արդեն նա ոչ ևս է, լռել է հավետ: Այլևս նրա հետ չի կարելի քննարկել, բանավիճել: Կարելի է վիճել, քննարկել նրա մոտեցումները: Բայց չարախնդա՞լ մահվան առթիվ: Ի՞նչ է կատարվում մեզ հետ:
Ես ի սրտե ցավակցում եմ Գուրգեն Եղիազարյանի ընտանիքին, հարազատներին, մտերիմներին, համակիրներին:

Գրել է Հրանուշ Խառատյանը