Էրդողանը սպառնացել է նոր զինված օպերացիա սկսել
Թուրքիայի զինված ուժերը կարող են նոր օպերացիա իրականացնել Սիրիայում, եթե ահաբեկիչները չհեռանան Թուրքիայի սահմանից, հայտարարել է հանրապետության նախագահ Թայիփ Էրդողանը, փոխանցում է «ՌԻԱ Նովոստի»-ն:
«Սիրիայի կողմից սպառնալիքը մեր տարածքների հանդեպ շարունակվում է։
Վերջերս ահաբեկիչներ են վնասազերծվել, որոնք ահաբեկչական բռնարարքներ են նախապատրաստած եղել, որ իրականացնեն մեր տարածքում։ Ակնհայտ է, որ Միացյալ Նահանգները սիրիա-իրաքյան սահմանին նոր մարտագործողությունների թատերաբեմ է ստեղծում։ Եթե ահաբեկիչները չհեռանան մեր սահմաններից, մենք նոր ռազմագործողություն կսկսենք»,- ասել է Էրդողանը` դիմելով իշխող «Արդարություն եւ զարգացում» կուսակցության խորհրդարանական խմբակցությանը:
Նա հավելել է, որ Թուրքիայի զինված ուժերն ի վիճակի են «մաքրել Սիրիան բոլոր ահաբեկչական կազմակերպություններից»:
Հետևեք մեզ Viber-ում
