Հեքիաթի ժանրից էր.Արմեն Առաքելյանը՝Սերժ Սարգսյանի ելույթի մասին
«Հեքիաթի ժանրից էր, ինչպես իր նախորդ բոլոր ելույթները:Առաջին մեսիջն այն էր, որ պարոն պատգամավորներ, սրանից հետո Արցախի հարցում մենակ ես չեմ լինելու պատասխանատուն, բոլորդ եք կիսելու պատասխանատվությունը եւ երկրորդը՝ նա ասաց, որ չի պատրաստվում հեռանալ իշխանությունից: Ինչ- որ կարգավիճակով մնալու է իշխանության»- Հայելի ակումբում հրավիրված ասուլիսում,անդրադառնալով ՀՀ նախագահ Սերժ Սարգսյանի՝ԱԺ-ում ունեցած ելույթին ասաց «Ազատ դեմոկրատներ» կուսակցության անդամ Արմեն Առաքելյանը: «ՀՀԿ-ն այլեւս ապահով Հայաստանի մասին չի խոսում, որովհետեւ ապահովության փուչիկը պայթեց ապրիլի 2-ին:Հիմա խոսում են, թե վերականգնվել է ամեն ինչ: Բա գետինը մտնեք դուք, եթե կարողանում եք վերականգնել, հաշված ամիսների ընթացքում, մինչեւ էսօր ո՞վ էր ձեր ձեռը բռնել, ինչի՞ էիք թողնում մեր զինվորին բանկաբութուլկայի հույսին, որ լափեի՞ք մի քիչ էլ: Սերժ Սարգսյանն ասաց՝ արդարության պակաս կա երկրում: Իսկ արդարության պակասի համար ո՞ւմ հարցնենք՝ Գյուլնազ տատի՞ն»,-ասաց ասուլիսի մյուս բանախոս ,քաղաքագետ Գուրգեն Եղիազարյանը: Վերջինս հարց ուղղեց. «Ո՞վ է պատասխանատու արդարության պակասի համար, երբ մարդիկ զզված երկրից գնում են ու լքում հայրենիքը՝ ճարահատյալ: Երբ ամեն անգամ Սերժ Սարգսյանը հեռու ակնարկներ է անում այն մասին, որ ինքը դեռ մնալու է, մարդիկ ավելի են հուսալքվում: Հասկացանք, ինչպե՞ս ասենք՝ բարի ճանապարհ: Ի՞նչ լեզվով ասենք»:
Հետևեք մեզ Viber-ում
