Ադրբեջանը հյուծման պատերազմի է անցել

Քաղաքագետ Լեւոն Շիրինյանի կարծիքով Արցախի հարցում ՀՀ քաղաքացին «ոչ» ասաց արժանապատիվ խաղաղությանը: Հայելի ակումբում լրագրողների հետ զրույցում նա հայատարարեց, որ հայ ժողովուրդը մերժեց Լեւոն Տեր-Պետրոսյանի խաղաղությունը, որի թիմը աղանդ է հիշեցնում: «Եթե Ռուսաստանը շահագրգիռ է Ադրբեջանին իր գիրկը տանել Հայաստանի հաշվին, ապա դա չի կարող լինել: Ինչ մնում է Եվրոպային եւ ԱՄՆ-ին, ապա նրանք ոչ միայն շահագրգռված չեն, այլ ոչ-ի տեսակետ կունենան, որ Ռուսաստանի դերը ավելի չբարձրանա այս տարածաշրջանում: Ապրիլյան պատերազմով էլ հաջողություն չգրանցեց Ադրբեջանը, ստրատեգիական իմաստով ոչ մի հարց չի լուծել, հիմա հյուծման պատերազմի է անցել, սա շարունակվելու է այնքան ժամանակ, մինչև հայկական կողմը Ադրբեջանին չպարտադրի հարյուր տոկոսանոց խաղաղություն»: