Ադրբեջանում ՄԱԿ-ի ներկայացուցիչն այցելել է Գյանջա, բայց այստեղի նույն ներկայացուցիչը որևէ ակտիվություն չի դրսևրում.քայլերթ (video)
ՀՀ քաղաքացիները Մատենադարանի մոտից «Ինչու է լռում ՄԱԿ-ը» վանկարկումներովով գնում են ՀՀ-ում ՄԱԿ-ի գրասենյակ։
Լրագրողների հետ զրույցում «Իրավունք Եվրոպա միավորում» ՀԿ նախագահ Լուսինե Հակոբյանը նշեց, որ ամսի 28-ից եվրոպական տարբեր կառույցներին, նաև ՄԱԿ-ին, ուղարկվում է, թե ինչ է կատարվում Արցախում, բայց մենք բավարար արձագանք չենք տեսնում: «Հակառակը՝ մենք տեսնում ենք չեզոքություն և տեսնում ենք՝ այստեղի կառույցների ներկայացուցիչներն ակտիվություն չեն դրսևորում, չեն այցելում այն վայրերը, որոնք հրթիռակոծումների են ենթարկվում, չեն հավաքում փաստերը, դա է նաև պատճառներից մեկը, որ անհամաչափ արձագանք կա»,- ասաց նա:
«Ադրբեջանում, օրինակ, ՄԱԿ-ի ներկայացուցիչն այցելել է Գյանջա, բայց այստեղի նույն ներկայացուցիչը որևէ ակտիվություն չի դրսևորում և օրինակ, Վարդենիս կամ Ստեփանակերտ չի այցելում և զուտ այն փաստը, որ իրենց տեսակետից Ստեփանակերտը գտնվում է վիճարկվող տարածքում, չի նշանակում, որ այդ վայրեր չպետք է այցելեն ու փաստահավաք աշխատանքներ իրականացնեն»,- ընդգծեց նա և հավելեց, որ այդ լռությունը սպանում է մեզ:
Հետևեք մեզ Viber-ում
