Ռուսաստանը մարտական կրակի կիրառմամբ զորավարժություններ է անցկացրել

Արևելյան ռազմական շրջանի՝ Անդրբայկալյան երկրամասում տեղակայված համազորային միավորման մոտոհրաձգային միավորումը «Ցուգոլ» զորավարժարանում մարտական կրակի կիրառմամբ գումարտակային տակտիկական զորավարժությունների է մասնակցել (ԳՏԶ), հայտնում է eadaily.com-ն:

Մոտոհրաձգային միավորման զինծառայողները բարձրացվել են ուսումնական տագնապի ազդանշանով և շարժվել դեպի հակառակորդի դիվերսիոն խմբերի գործողությունների պայմաններում կենտրոնացման շրջան:

Զորավարժությանը մասնակցել է ավելի քան 350 զինծառայող, ինչպես նաև կիրառվել է մոտ 50 միավոր ռազմական և հատուկ տեխնիկա: Այս մասին հայտնել է Արևելյան ռազմական շրջանի մամուլի ծառայությունը: