Ղրղզստանի նախագահը պաշտոնաթող է եղել

Ղրղզստանի նախագահ Սոորոնբայ Ժեենբեկովը հրաժարական է տվել։ Այս մասին հայտնում է նրա մամուլի ծառայությունը։ «Ես կառչած չեմ իշխանությունից։ Չեմ ուզում մնալ Ղրղզստանի պատմության մեջ որպես նախագահ, ով արյուն է թափել ու կրակել է սեփական քաղաքացիների վրա»,- իր ուղերձում հայտարարել է Ժեենբեկովը։

Նա նաեւ կոչ է արել երկրի նոր վարչապետ Սադիր Ժապարովին եւ մյուս քաղաքացական գործիչներին հեռացնել իրենց կողմնակիցներին Բիշքեկից եւ վերականգնել խաղաղ կյանքը։

«Դժբախտաբար, ագրեսիան չի հանդարտվում, իմ անհապաղ պաշտոնաթողության պահանջը շարունակվում է: Ընթացիկ իրավիճակը մոտ է երկուստեք բախման,- ասված է նրա ուղերձում:- Մի կողմից բողոքավորներն են, մյուս կողմից՝ իրավապահ մարմինները:

Զինծառայողները եւ իրավապահ մարմինները պարտավոր են զենք գործադրել պետական նստավայրի պաշտպանության համար»: