Ես տարբերություն չեմ դնում ձեր ծառայողների մեջ.Սասուն Միքայելյան
Ելք դաշինքի պատգամավոր Սասուն Միքայելյանը Պաշտպանության, ազգային անվտանգության եւ ներքին գործերի մշտական հանձնաժողովի նախագահի պաշտանում ՀՀԿ կողմից առաջադրված Կորյուն Նահապետյանին հարց ուղղելիս խոսեց զոհված ժամկետային զինծառայող Արտակ Ռաֆայելյանի մասին. «Նա ՀՀ դյուցազնագրքում է գրանցված: Ճիշտ չի լինի, որ նման շնորհալիները ծառայեն համապատասխան զորամասերում»: «Այդ հարցը հնարավոր է քննարկել:Ուղղակի ծառայության անցկացման վայրը որոշվում է կոնկրետ ընթացակարգերով: Դա ՊՆ իրավասությունների ներքո, իսկ մենք ընդամենը կարող ենք մեր բարի խոսքն ասել ու ցանկություն հայտնել: Ինչ վերաբերում է զոհված զինծառայողների սոցիալական ապահովությանը, կարող եմ ասել, որ մենք լուրջ փոփոխություններ ենք իրականացրել, հատկապես դա վերաբերում է բնակարաններով ապահովելու խնդրին»,-պատասխանեց Կորյուն Նահապետյանը: « Արտակ Ռաֆայելյանը պետք է ծառայել սպորտային զորամասում, ու նա զոհվել է այս տարի Մարտունու շրջանում՝ առաջնագծում: Ես տարբերություն չեմ դնում ձեր ծառայողների մեջ, սակայն նման հազվագյուտ շնորհալի երեխաները ծառայեն կամ համապատասխան զորամասերում կամ վերցվեն պետության հովանու ներքո»,ուղղեց Սասուն Միքայելյանը: «Ներողություն եմ խնդրում սխալ ընկալելու համար:Կոնկրետ ունակություններով զինծառայողների ծառայության վայրի ընտրության, այո դա պետք է քննարկվի ու ճիշտ ընտրություն կատարվի: Սակայն չպետք է գերագնահատվի ու ստացվի այնպես, որ մեր երիտասարդներին, տալով նման հնարավորություն, զրկենք զինվորական ծառայությունը պատշաճ իրականացնելուց»,ասաց Կորյուն Նահապետյանը:
Հետևեք մեզ Viber-ում
