Փաշինյանի անմիտ քայլը՝ օգուտ ստանալու փոխարեն

Այս օրերին, երբ երկիրը գտնվում է պատերազմական ծանր վիճակում, երբ թշնամին ամեն օր գնդակոծում և ավերում է Արցախի մայրաքաղաք Ստեփանակերտը, հոգևոր կենտրոն Շուշին, մնացած բնակավայրերը, թվում է, թե համազգային ներուժի համախմբոումն ու բոլոր ռեսուրսների մեկտեղումը պետության և հասարակության թիվ մեկ խնդիրն է։ Սա այն պահն է, երբ ամեն մեկին իր տեղում պետք է ճիշտ օգտագործել՝ ի շահ պետության։Նման պայմաններում Հայասատանի ամենահարուստ մարդուն,  ամենախոշոր գործատուին և պառլամենտական երկրորդ ուժի ղեկավարին՝ ԲՀԿ առաջնորդ Գագիկ Ծառույանին կալանքի տակ պահելը մեծագույն տխմարություն է ։ Ի վերջո՝ Գագիկ Ծառուկյան ասելով պետք է հասկանալ հարյուրավոր աշխատատեղեր, որոնք այսօր օդ ու ջրի պես կարևոր են՝ պատերազմի ժամանակ  թիկունքն ամուր պահելու համար։ Գագիկ Ծառուկյան ասելով պետք է հասկանալ ֆինանսական կոնկրետ ռեսուրսներ, որոնք կարող էին ուղղվալ պատերազմական գործողությունների աջակցությանը։ Մենք զօր ու գիշեր դիմում ենք ամբողջ աշխարհի հայությանը, նրանցից փող ենք խնդրում, հորդորում ենք ամեն օր փոխանցումներ կատարել Հայաստան համահայկական հիմնադրամին, իսկ Ծառուկյանին, որը ասոցացվում է փողի և ֆինանսական ռեսուրսների հետ, պահում ենք բանտում։ Ի՞նչ օգուտ է տալիս կալանքի տակ գտնվող Գագիկ Ծառուկյանը Արցախում կյանքի ու մահվան կռիվ տվող մեր զինվորին, թիկունքում գտնվող տեղահանված ընտանիքներին և ընդհանրապես պետությանը։ Պատասխանը միանշանակ է՝ ոչ մի։ Մինչդեռ այս պահին մեր երկրի համար ամենաչնչին նվիրատվությունն իսկ կարևոր է, յուրաքանրյուր 1000 դրամը, յուրաքանչյուր 10 դոլարը կարող է հայրենիք փրկել։
Ծառուկյանն ապացուցել է, որ կարող է իրագործել բարեգործական ծրագրեր։ Իհարկե, Ծառուկյանի միջոցներով բարեգործություններ և նվիրատվություններ կարող են արվել՝ անկախ նրա կալանքի գտակ գտնվելու իրողությունից, թերևս նաև արվում է։ Բայց պետք է հասկանալ, որ երբ մարդուն զրկում ես ազատությունից՝ քաղաքական նպատակներից և անձնական վրեժխնդրությունից ելնելով, նրանից առավելագույնը պահանջելու իրավունք չունես։Եվ թող որևէ մեկը չասի, թե ինքն ավելին կաներ, ավելի շատ է սիրում հայրենիքը, պատրաստ է բանտ նստել՝ իր ողջ կարողությունը տալով հայրենիքին։ Ասելը քիչ է՝ փաստ է պետք։
Երեկ վերաքննիչ դատարանը մերժել է Ծառուկյանի խափանման միջոցը փոխելու միջնորդությունը և որոշվել է նրան թողնել կալանքի տակ։ Նախ Գագիկ Ծառուկյանի մեղադրանքը՝ ընտկաշառքի հայտնի գործով, իննքնին զավեշտալի է, որովհետև Նիկոլ Փաշինյանն ու իր թիմը շատ վաղուց գիտեին ընտակաշառքի մասին։ Բայց դա չխանգարեց, որ 2018-ին Նիկոլ Փաշինյանը համագործակցության հուշագիր կնքի այդ նույն Ծառուկյանի հետ և նրա օգնությամբ դառնա վարչապետ՝ ԱԺ-ում ստանալով բավարար ձայներ։ Անգամ վերջին միամիտին էլ պարզ է, որ ընտակաշառքի գործը հարուցվել է, որպեսզի Ծառուկյանը հանկարծ չսկսի փողոցային հանրահավաքներ սկսել իշխանության դեմ։ Բայց հիմա պատերազմ է և ներքաղական բոլոր խնդիրները պետք է անհապաղ մոռանալ։ Գոնե այսքանը պարտադիր պետք է հասկանալ, որովհետև ներքաղաքկան գզվռտոցին տուրք տալն այս պահին մեզ համար անթույլատրելի շռայլություն է․ դրա դիմաց մեր կռվող երիտասարդները կյանքով են հատուցում, դրա դիմաց մենք հայրենիք կորցնելու վտանգի առաջ կարող ենք կանգնել։

Հայկ Դավթյան