Արցախյան ռազմաճակատում հերոսաբար զոհվել է ուժային եռամարտիկ, Հայաստանի բազմակի չեմպիոն Թաթուլ Հարությունյանը. ԿԳՄՍՆ
33 տարեկան հասակում արցախյան ռազմաճակատում հերոսաբար զոհվել է ուժային եռամարտիկ (պաուերլիֆթինգ), Հայաստանի բազմակի չեմպիոն Թաթուլ Հարությունյանը։ Այս մասին տեղեկացնում է ՀՀ ԿԳՄՍՆ-ն:
«Թաթուլ Հարությունյանը ծնվել է 1987թ. Ստեփանակերտ քաղաքում։
Մարզիկը Հայաստանի ուժային եռամարտի հավաքականի անդամ էր, Հայաստանի բազմակի չեմպիոն: Նա երկու անգամ հաղթել էր նաև Եվրոպայի առաջնությունում, աշխարհի առաջնությունում նվաճել արծաթե մեդալ:
ՀՀ կրթության, գիտության, մշակույթի և սպորտի նախարարությունը ցավակցում է Թաթուլ Հարությունյանի հարազատներին, մերձավորներին և թիմակիցներին: Հերոս մարզիկի հիշատակը վառ կմնա բոլորիս սրտերում»,- ասված է ԿԳՄՍՆ տարածած հայտարարության մեջ:
Հետևեք մեզ Viber-ում
