Աթեշյանին կարգալույծ անելը կարող է վտանգավոր լինել .Կոմիտաս Վարդապետ Հովնանյան
«Այս պահվածքն անընդունելի է:Նրա նման կեցվածքը ճիշտ կեցվածք չէ, դա հոգեւորականի կերպար չէ: Ամբողջ համայնքը նրան ասում է Սուրբ Հայր, ես ուզում եմ այդ սրբությունը տեսնել: Մայր Աթոռը անում է ամեն ինչ, որ խնդիրը շուտափույթ լուծվի»,- Հայելի ակումբում հրավիրված ասուլիսում ասաց Կոմիտաս Վարդապետ Հովնանյանը: Պոլսո Հայոց պատրիարքարանում տեղի ունեցող իրադարձություններում կա երկու շահի բախում: Առաջինը՝ թուքական պետական շահը, երկրորդը՝ հայ համայնքը, որը ցանկանում է պատրիարքի տեղապահի պաշտոնում տեսնել մի անձի, ով կարող է որոշիչ դեր խաղալ Թուրքիայի հայության ճակատագրում: «Աթեշյանի դեմ ստորագրահավաքը և նա կարգալույծ այդքան հեշտությամբ չի կարող լինել Խոսքը մի արքեպիսկոպոսի մասին է, որը բավարար ժամանակ եղել է այդ աթոռին: Եթե նա կարգալույծ արվի, ապա վաղը կարող ենք հայտնվել մեկ այլ խնդրի առաջ: Աթեշյանը կարող է չընդունել դա եւ անկախ հայտարարի Պոլսո Հայոց աթոռը, որին կաջակցի թուրքական կառավարությունը»,ասաց նա: Կոմիտաս Վարդապետ Հովնանյանի կարծիքով՝ պետք է խոհեմ լինել այս հարցում, էմոցիաներից հրաժարվել, որպեսզի պառակտումներ չլինեն. «Որոշ ուժեր կան, որ Աթեշյանին ուզում են տեսնել այդ աթոռի վրա, որովհետև նա համարվում է Թուրքիայի հավատարիմ քաղաքացի: Պետք չէ խնդրին նայել որպես միայն եկեղեցական հարց, քաղաքական շահի հարց էլ կա: Այս դեպքում էլ կան Աթեշյանին կողմ ու դեմ ուժեր համայնքում, որը պառակտում է համայնքը, ինչը պետք չէ»: Մարտի 15-ից հետո, երբ Ստամբուլում տեղի ունեցավ Պոլսո Հայոց պատրիարքի տեղապահի ընտրությունը,խնդիր է առաջացել: Պոլսո Հայոց պատրիարքի տեղապահի պաշտոնում ընտրված Գարեգին արքեպիսկոպոս Բեկչյանն այս պահին գտնվում է Գերմանիայում եւ փաստացի չի զբաղեցնում իր պաշտոնը, քանի որ Պոլսո պատրիարքարանի դռները ոստիկանության կողմից կնքվել են եւ մուտք ու ելքի իրավունք ոչ ոք չունի: Այնտեղ հաղթանակ էր տարել Արամ Աթեշյանի հակառակորդ Գարեգին արքեպիսկոպոս Բեկչյանը, Ստամբուլի նահանգապետարանն անակնկալ կերպով միջամտել էր ընտրություններին: Ստամբուլի նահանգապետի տեղակալը նախքան պատրիարքարանում ընտրությունների սկսվելը գրություն է ուղարկել, որն իրավաբանորեն անհնար է համարում պատրիարքական ընտրությունների գործընթացի մեկնարկը: Այս գրությունը Պոլսո Հայոց պատրիարքի տեղապահի ընտրություններից անմիջապես հետո պատրիարքարանի հոգևորականներին է ներկայացրել տեղապահի ընտրություններում պարտված փոխանորդ Արամ արքեպիսկոպոս Աթեշյանը և հայտարարել, որ չի հեռանա տեղապահի պաշտոնից:
Հետևեք մեզ Viber-ում
