Հայկ Դեմոյանը չի հրաժարվում
Առաջիկայում նախատեսված Հայոց Ցեղասպանության ինստիտուտի տնօրենի մրցույթին, մեր ունեցած տեղեկություններով մասնակցության հայտ են ներկայացրել 3 թեկնածուներ: Նրանցից մեկը թանգարանի այժմյան տնօրեն Հայկ Դեմոյանն է, երկրորդ թեկնածուն Ավստրիայում Հայաստանի արտակարգ եւ լիազոր դեսպան, պատմաբան Արման Կիրակոսյանն է, իսկ երրորդը՝ ՀՀ ԳԱԱ հնագիտության և ազգագրության ինստիտուտի գիտաշխատող, ազգագրագետ Հարություն Մարությանը: Նախնական պայմանավորվածության համաձայն՝ նախապես եղել է որոշում, որ Հայկ Դեմոյանը չի առաջադրվելու և Ցեղասպանության թանգարանի տնօրենի իրական հավակնորդը դիտվել է Արման Կիրակոսյանը: Սակայն Արման Կիրակոսյանի մոտ առաջ են եկել առողջական խնդիրներ և դրանով պայմանաորված սկսել է քննարկվել նաև այլ թեկնածուների անուններ: Հայկ Դեմոյանն էլ, օգտագործելով ստեղծված իրավիճակը, որոշել է չհրաժարվել իր ունեցածից և կրկին պահել ինստիտուտի տնօրենի պաշտոնը: Դեմոյանի առաջիկա ծրագրերի մեջ մտնում է նաև կրթական նպատակով մակամյա այցը ԱՄՆ, սակայն դա ամենևին չի խանգարում ինստիտուտի տնօրենի պաշտոնավարումը շարունակելուն:
Նշենք, որ համաձայն կարգի` ԳԱԱ ինստիտուտի տնօրենի թեկնածուներին կարող են առաջադրել տվյալ ինստիտուտի գիտական խորհուրդը, բաժանմունքի բյուրոն եւ ակադեմիկոսները, իսկ ընտրությունը կատարվում է ԳԱԱ նախագահության նիստում:
Հետևեք մեզ Viber-ում
