Փորձել են սպանել Էմինեմին (ֆոտո)

Թափառականը գաղտնի մուտք է գործել ռեփեր Էմինեմի տուն, ցանկանալով սպանել նրան, հայտնում է Ռիա Նովոստին հղում անելով Detroit Free Press-ին: 

Դեպքը տեղի է ունեցել դեռ ապրիլին, բայց մահափորձի մանրամասների մասին հայտնի է դարձել միայն հիմա, երբ դատական ​​նիստի ժամանակ ոստիկանը ցուցմունք է տվել:

Հայտնի է, որ ռեփերը ներկա չի եղել դատական նիստին:

Ինչպես հաղորդվում է` ապրիլի 5-ի վաղ առավոտյան ռեփեր Էմինեմը, արթնանալով, իր տան մեջ հայտնաբերել է դեպի լուսամուտը նայող մի տղամարդու։ Ռեփերը սկզբում կարծել է, որ նա իր եղբորորդին է, բայց պարզվել է, որ անծանոթը Մեթյու Դեյվիդ Հյուզ անունով մի երիտասարդ է, ով հայտարարել է, որ եկել է սպանելու Էմինեմին։ Վերջինս կարողացել է պահպանել ինքնատիրապետումը և կանչել թիկնապահներին, այնուհետև ոստիկանություն է դիմել։

Մեթյու Դեյվիդ Հյուզը մեղադրվում է «առաջին կարգի» տներ ներխուժելու և գույքի չարամտորեն ոչնչացման մեջ: