ԴԱԻՇ-ը կարող է հրթիռակոծել Բոսֆորով անցնող ռուսական նավերը

Hurriyet Daily News-ը՝ վկայակոչելով Haberturk պարբերականին հայտնում է,որ  Ստամբուլի իշխանությունները միջոցներ են ձեռնարկել՝ ռուսական ռազմածովային նավատորմի նավերի վրա ԴԱԻՇ-ի հնարավոր հարձակման կապակցությամբ: Հսկիչ անցակետեր են ստեղծվել 150 այն շրջաններում, որտեղից ահաբեկիչները կարող են հրթիռակոծել Բոսֆորով անցնող ռուսական նավերը,հայտնել է կայքը և հավելել,որ  հետախուզական ստորաբաժանումները տեղեկատվություն են ստացել այն մասին, որ ջիհադիստական խմբավորումը կարող է հարձակումներ իրագործել ռուսական ռազմական նավերի վրա: Իրավապահ մարմինների աշխատակիցներին հրահանգել են ստուգել այն կետերը, որտեղ ահաբեկիչները կարող էին դիրքավորվել: Խոսքը տարածքների մասին է, որտեղով նավերը մոտենում են ափին: