Լուսավորի հոգեվարքը. մեռնելուց առաջ փրկության ճիգեր
«Լուսավոր Հայաստանի» ղեկավար Էդմոն Մարուքյանը նախօրեին հայտարարություն տարածեց Սահմանադրական դատարան դիմելու վերաբերյալ:
ՍԴ-ում վիճարկվող հարցը սահմանադրական փոփոխություններն են եւ դրան հաջորդած
Ընթացակարգերը, որոնց արդյունքում ՍԴ երկու դատավոր պաշտոնանկ են արվել, իսկ Հրայր Թովմասյանը նախագահից դարձել շարքային դատավոր: Այո, հիշում եք հավանաբար, որ ԲՀԿ-ն մոտ մեկ ամիս առաջ 26 պատգամավորի ստորագրությամբ արդեն դիմել է նման հայցով, բայց միայնակ, քանի որ Մարուքյանենք հայտարարեցին՝ քանի դեռ Ռոբերտ Քոչարյանի գործը չի քննվել ՍԴ-ում իրենք չեն դիմի, քանի որ տեսնում են, որ ՍԴ-ն շահագրգռվածություն է ցուցաբերում այդ գործի քննության հարցում, պատահական չէ, որ Հրայր Թովմասյանը հապճեպ նշանակել էր նիստի օրը ճիշտ նույն օրը, երբ խորհրդարանում սահմանադրական փոփոխություննեի նախագիծն էր քննվում:
Ինչ է փոխվել, որ շուրջ մեկուկես ամիս անց ԼՀԿ-ն որոշել է միանալ ԲՀԿ-ին:
Ի դեպ, հայտարարության վերջում Էդմոն Մարուքյանը նշել էր, որ «դիմումը ներկայացվել է համատեղ ստորագրված` «Լուսավոր Հայաստան» և «Բարգավաճ Հայաստան» խմբակցությունների անհրաժեշտ քանակի պատգամավորների կողմից»:
Շատ հետաքրքիր է: Կարելի էր ավելի ազնիվ գտնվել և նշել, որ, օրինակ, ԼՀԿ-ն, մոտ երկու ամիս անց, միացել է ԲՀԿ-ի՝ հունիսի 22-ի հայտարարությանը՝ ՍԴ դիմելու վերաբերյալ:
Ի՞նչ նոր հանգամանքներ են ի հայտ եկել, այդ ի՞նչ շրջադարձային զարգացումներ են եղել, որ Էդմոն Մարուքյանը երկու ամիս առաջ ոչ մի կերպ չէր կարող միանալ ՍԴ դիմելու ԲՀԿ նախաձեռնությանը, իսկ հիմա միացել է, ավելին, դա ներկայացվում է գրեթե որպես «Լուսավորի» նախաձեռնություն:
ԼՀԿ ղեկավարի հայտարարության մեջ որպես առաջին հիմնախնդիր նշված է, որ «Ազգային ժողովը դուրս է եկել իր սահմանադրական լիազորություններից և խախտել Սահմանադրությունը, երբ սահմանադրական փոփոխությունները մինչև երկրորդ ընթերցում չի ուղարկել Սահմանադրական դատարան՝ Սահմանադրության համապատասխանության հարցը որոշելու համար»։ Իսկ որպես երկրորդ հիմնախնդիր ընդգծված է. «Հանրապետության նախագահին Սահմանադրության փոփոխություններն ստորագրելու և հրապարակելու լիազորությունից զրկելը հակասում է Սահմանադրությանը»:
Այսինքն նոր հեծանիվ չեն հայտնագործել եւ կրկնում են այն, ինչի մասին շուրջ
երկու ամիս խոսում են շատերը:
Հիմա ոչ Քոչարյանի գործն է քննվել, ոչ էլ շրջադարձ է գրանցվել այս գործընթացում, ուստի հարց է առաջանում ՝ ինչով է բացատրվում ԼՀԿ-ի քայլը:
Կարելի է հասկանալ, թե ինչու են ԲՀԿ-ում այսպես ոտքի կանգնել, երբ գնացքն արդեն գնացել է: Սահմանադրական փոփոխություններից հետո, երբ դեռ Ալվինա Գյուլումյանն ու Թոխյանը ՍԴ անդամներ էին եւ նրանց բռնի ուժով դուրս չէին կարող հանել ՍԴ շենքից, ԼՀԿ-ն, անշուշտ, չէր կարող դիմել, քանի որ այդ մարդիկ նիստ կհրավիրեին, կբավարարեին ընդդիմության հարցը եւ իշխանության սարքած այս բազառը կավարտվեր: Հիմա, երբ արդեն գնացքը գնացել է եւ այդ մարդիկ այլեւս ՍԴ դատավոր չեն ու նրանց թույլ չեն տալիս նիստերի հաճախել, ԼՀԿ-ն որոշել է դեմքը փրկել եւ միացել է հայցին: Խնդիրն այն է, որ այս կուսակցությունն այնքան է վարկաբեկվել ու անդեմ դարձել, որ այլեւս ոչինչ չի կարող փրկել նրա կորուսյալ վարկանիշը:
Անի Սահակյան
Հետևեք մեզ Viber-ում
