Տուսկը դեմ է

Հունաստանի բացառումը Շենգենյան գոտուց չի լուծի փախստականների խնդիրը՝ հայտարարել է Եվրախորհրդի նախագահ Դոնալդ Տուսկն Աթենքում վարչապետ Ալեքսիս Ցիպրասի հետ բանակցություններից հետո։ ԵՄ մի շարք երկրներ առաջարկում են բացառել Հունաստանին Շենգենյան գոտուց, եթե Աթենքն առաջիկա ամիսներին չլուծի փախստականների հետ կապված խնդիրը. Հունաստանով Եվրոպա են ժամանել հարյուր հազարավոր փախստականներ Մերձավոր Արևելքի երկրներից։ «Շենգենյան գոտուց Հունաստանի բացառումը չի լուծի փախստականների խնդիրը։ Միգրացիոն ճգնաժամը կդառնա ԵՄ ստուգում»,- հայտարարել է Տուսկը։ Նրա խոսքով՝ ինքն անձամբ դեմ է Հունաստանի բացառմանը։ Ցիպրասն իր կողմից հայտարարել է, որ անհրաժեշտ է ընդհանուր եվրոպական լուծում՝ եվրոպական իրավունքի սկզբունքների նկատմամբ հարգանքով, զորակցությամբ և միգրացիոն ճգնաժամի բեռի արդար բաշխմամբ։ «Բանակցությունները Տուսկի հետ միշտ հանդիսանում են կառուցողական, նույնիսկ դժվարին իրավիճակներում, ինչպիսին ներկայինս է։ Ինչ վերաբերում է փախստականների հոսքերի կառավարմանը, ապա դա մարտահրավեր է միջազգային և եվրոպական հանրությանը»,- ասել է Ցիպրասը։