Ինչ գործի շրջանակներում էին հրավիրել Վանեցյանին ԱԱԾ (video)
«Ինձ ԱԱԾ էին հրավիրել մի անհեթեթ գործի շրջանակներում՝ նյութերի նախապատրաստման շրջանում բացատրություն տալու համար: Նշեմ՝ որևէ պարտավորություն չունեի գալու, բայց հարգելով ինստիտուտը` այցելել եմ, և հրաժարվել եմ բացատրություն ներկայացնելուց»,- ԱԱԾ-ից դուրս գալով՝ լրագրողների հետ զրույցում ասաց Արթուր Վանեցյանը` նշելով, որ այս գործը ոչնչի մասին է. հերթական շինծու և քաղաքական նպատակներ հետապնդող գործ է:
Նրա համոզմամբ` իր դեմ իրականացվում է քաղաքական հետապնդում, որի նպատակն է կասեցնել իր ակտիվ քաղաքական գործունեությունը:
Ըստ Վանեցյանի՝ 2018 թվականին վերականգնվել է աշխատանքի իրենց նախկին աշխատակիցներից մեկը, որը, ըստ ԱԱԾ մեկնաբանության, իրավունք չուներ վերականգնվելու. «ՀՀ քաղաքական ղեկավարությունը, ինչպես նաև այսօրվա ԱԱԾ գործող պետը երևի օրենքի ընթերցման և հասկանալու հետ կապված խնդիրներ ունեն»,- նշեց Վանեցյանը:
Հետևեք մեզ Viber-ում
