Բանակցություններն ավելի լավ են, քան ցանկացած պատերազմ, սակայն շանտաժի ենթարկվել չի կարելի. Ռոբերտ Քոչարյան
«Ունեցել ենք ժամերով տևող բանակցություններ, որոնք, հետո պարզվել է, որ բանակցություններ չեն Վտանգավոր է, երբ մարդիկ չեն հասկանում հարցի կարևորությունը, բայց զբաղվում են այդ հարցով: Պետք է կարդալ ԼՂՀ անկախության հռչակագիրը, բանակցությունները պետք է բխեն այդ հռչակագրից: Ամեն ինչի համար հիմք է պետք: Եթե դրանք չկան կամ եթե օրական մի հիմք ես գտնում, դրա հետևանքները լավ չեն լինում», - «Երկիր Մեդիա» «Հ2» և «5-րդ ալիք» հեռուստաընկերություններին տված հարցազրույցի ժամանակ ասել է ՀՀ երկրրորդ նախագահ Ռոբերտ Քոչարյանը:
Բանակցային գործընթացը դեռ կարելի է հետ բերել,-ասել է Քոչարյանը:
Անդրադառնալով Ադրբեջանի նախագահ Իլհամ Ալիևի՝ բանակցությունները դադարեցնելու մտադրության մասին հայտարարությանը, ՀՀ երկրորդ նախագահը նշել է.
«Բանակցություններն ավելի լավ են, քան ցանկացած պատերազմ, բայց շանտաժի ենթարկվել չի կարելի: Պետք է սկզբունքայնություն դրսևորել: Այո, ռիսկեր կան, բայց մենք միշտ գնացել ենք ռիսկի և հաջողել ենք: Չեն ուզում բանակցել, ուրեմն չենք բանակցի: Երբ իրենք հասկանան, որ բանակցություններին այլընտրանք չկա, դրանք կվերականգնվեն»:
Հետևեք մեզ Viber-ում
