Թինա Կանդելակի.«Հայաստանի հետ ուժի լեզվով խոսելը երբեք չի հաջողվելու»
«Матч ТВ» հեռուստաալիքի գլխավոր տնօրեն Թինա Կանդելակին գրել է. «Իմ մեջ, Ինչպես հայտնի է, հոսում է նաև հայկական արյուն։ Ինձ համար անտարբեր չէ Հայաստանի և նրա ժողովրդի ճակատագիրը։ Ժողովրդի, որին բաժին է ընկել մեծ քանակությամբ փորձություններ, այդ թվում՝ Օսմանյան կայսրության կողմից իրականացված ցեղասպանությունը։
Հայաստանի և Ադրբեջանի սահմանին` ներկայիս բախումներում, կրկին մարդիկ են զոհվում։ Ռմբակոծություններ, դիվերսիաներ, խոշոր տրամաչափի զենքերից գնդակոծություններ։ Բաքվում ցույցեր են ընթանում հանուն պատերազմի։ Հանուն պատերազմի:
Այստեղ, կարծես թե, ճիշտ ժամանակն է ասել, որ պատմությունը ոչինչ չի սովորեցնում, բայց դա այնքան էլ այդպես չէ։ Պատմությունը սովորեցնում է, որ հայ ժողովրդի ոգին չի կոտրվել անգամ այն պահին, երբ նրա գոյությունը վտանգված էր։ Այն չի կոտրվի նաեւ հիմ: Իսկ հակամարտությունն ու մարդկանց սպանությունները պետք է անհապաղ դադարեցնել։ Երկար դարերի ընթացքում կարելի էր գիտակցել վերջապես, որ Հայաստանի հետ ուժի լեզվով խոսելը երբեք չի հաջողվելու։
Ամեն մարդ, ում երակներում գոնե մի քիչ հայկական արյուն կա, կանգնելու է այդ ժողովրդի պաշտպանության ուղու վրա՝ նրա մեծ ու բարդ պատմությամբ, որովհետև ճշմարտությունը հայ ժողովրդի կողմն է»։
Հետևեք մեզ Viber-ում
