Նախկինները թույլ տվեցին, որ մեր երկրի ներսում «Նավալնիններ» աճեն. Արման Վարդանյան (video)

Երբ ընդդիմադիր Փաշինյանն ասում էր՝ նախագահները, բարձրաստիճան տարբեր պաշտոնյաներ միլիարդների ունեցվածք ունեն և երբ հեղափոխություն լինի, այդ ամենը վերադարձնելու ենք, իրականում վերադարձվեց 100 մլն., սակայն պարգևավճարների տեսքով բաժանվեց իրենց մեջ: Այս մասին Արմնյուզ ՀԸ Անժելա Թովմասյանի՝ «Հայելու առաջ» հեղինակային հաղորդման ժամանակ ասել է «Միասնություն» շարժման ղեկավար Արման Վարդանյանը:

Արման Վարդանյանը հռետորական հարց է ուղղում. «Ու՞ր են այն գումարները, որոնք պետք է վերադարձվեին ժողովրդին, և ու՞ր են Ձեր ասած նախկին թալանչիները, որտե՞ղ են նրանք»:

Արման Վարդանյանի խոսքով՝ այդ գումարները վերադարձնելու փոխարեն՝ իշխանությունը գույքահարկ է բարձրացնում, մարդկաց տուգանում. «Մարդիկ անգամ չեն կարողանում իրենց կոմունալները վճարել, ուր մնաց տուգանքներ վճարեն: Հեղափոխությունն իրականում պետք է համակարգ փոխեր և այս հեղափոխական իշխանությունը չպետք է նման անմարդկային վերաբերմունք ցույց տար իր իսկ ժողովրդին»:

Հարցին՝ ի՞նչ եզրակացության եք գալիս, երբ այս հարցերը բարձրաձայնում եք, Արման Վարդանյանը պատասխանել է. «Այն սուրհանդակները, ովքեր Նիկոլ Փաշինյանի խոսքն են տարել այս կամ այն թալանչիին, թող համարձակություն ունենան, և դուրս գան, ասեն՝ բանակցությունների ինչ հրահանգ է տվել վարչապետը»:

Անդրադառնալով կորոնավիրուսով պայմանավորված երկրում ստեղծվածարտակարգ դրությանը՝ Արման Վարդանյանը նշել է. «Այսօր կան բաներ, որոնք ոչ բոլորն են նկատում, օրինակ օրերս Պարետը հայտարարեց, որ ովքեր ունեն սրտանոթային խռոնիկ հիվանդություններ, կարող են բաց տարածքներում դիմակ չկրել: Սա կարող ե՞նք համարել հաղորդում հանցագործության մասին, որովհետև չորս ամիս իրենք այդ մարդկանց ստիպել են դիմակ կրել կամ էլ թե չէ կտուգանվեք: Ո՞վ է այդ մարդկանց առողջության վատթարացման համար պատասխան տալու»:

Ըստ Արման Վարդանյանի՝ կորոնավիրուսի տարածման սկզբնական փուլում վարչապետ Նիկոլ Փաշինյանն ու Առողջապահության նախարար Արսեն Թորոսյանը շատ ավելի ազնիվ էին հանրության հետ. «Նրանք, երբ ասում էին համաճարակ չկա, կորոնավիրուսն ում շունն է, այդ ժամանակ շատ ավելի ազնիվ էին: Մենք սկզբում տեսնում էինք, որ կորոնավիրուսի PR-ի հարց կար ու դրան էլ գնացին»:

Արման Վարդանյանի դիտարկմամբ՝ մեր հարևան երկրները՝ Վրաստանը,Բելառուսը շատ ավելի ճիշտ իրենց դրսևորեցին, քան մենք