Մակրոնն անդրադարձել է իր միասեռական լինելու մասին լուրերին

Ֆրանսիայի նորընտիր նախագահ 39-ամյա Էմանուել Մակրոնը Le Parisien թերթին տված հարցազրույցում նշել է, որ կնատյացությունը և հոմոֆոբիան են մեղավոր, որ հասարակության կարծիքով՝ ինքը չի կարող սիրել 24 տարի իրենից մեծ կնոջ: «Եթե կինս ինձանից 20 տարով երիտասարդ լիներ, ոչ մեկի մտքով չէր անցնի, որ չեմ կարող լինել ինտիմ զուգընկեր: Եվ քանի որ նա ինձնից 20 տարով մեծ է, շատ մարդիկ ասում են. «Այս հարաբերություններն իրական չեն, նման բան հնարավոր չէ»»,-ասել է Մակրոնը: Հիշեցնենք, որ Մակրոնի կին՝ Բրիջիթը 64 տարեկան է: