Միայն մեկ խնդիր կա՝ «ընտրակաշառք բաժանելու արհավիրքը».Ալեն Սիմոնյան

«Երևանի ավագանու ընտրությունների քարոզարշավն  ավելի հուսադրող է,  քան ԱԺ ընտրությունների ժամանակ: Անմիջական շփում կա ընտրողի հետ, որը մեծ ազդեցություն է թողնում: Այս քարոզարշավն աչքի է ընկնում նրանով, որ մրցակիցներից մեկը մի վարչական շրջանից մյուս վարչական շրջանն է փախչում մեզանից: Խոսքը իշխող կուսակցության թեկնածուի մասին է»,- Հայելի ակումբում լրագրողների հետ հանդիպմանն ասաց ԵԼՔ դաշինքի  ավագանու թեկնածու  Ալեն Սիմոնյանը «Տարոն Մարգարյանը խուսափում է ԵԼՔ-ի քաղաքապետի թեկնածուի՝ Նիկոլ Փաշինյանի հետ բանավեճերից,քանի որ կպարզվի, որ միֆ է այն բանը, որ Տարոն Մարգարյանը լավ է կառավարում քաղաքը: Կպարզվի, որ չի տիրապետում քաղաքի խնդիրներին եւ,  ամենայն հավանականությամբ,  կտրուկ տարբերություն կլինի ձայների հաշվարկի ժամանակ»,ասում  նա: Ըստ  Ալեն Սիմոնյանի՝ առայժմ միայն մեկ խնդիր կա՝ «ընտրակաշառք բաժանելու արհավիրքը»: