Մարուքյանն ասում է՝ թող Ծառուկյանին «ուտեն», հետո կտեսնենք.Էդմոն, քեզ ավելի վատ են ուտելու. Մենուա Հարությունյան (video)
Մոտ երկու տարի է Նիկոլը երազում էր նոր Հայաստանի մասին ու երեկ նա իր նոր Հայաստանը ստացավ: Այսպիսով մենք ունենք «նիկոլյան Հայաստան», որը բռնատիրական երկիր է: Այս մասին Արմնյուզ ՀԸ Անժելա Թովմասյանի՝ «Հայելու առաջ» հեղինակային հաղորդման ժամանակ ասել է քաղաքական մեկնաբան Մենուա Հարությունյանը՝ անդրադառնալով ԱԺ արտահերթ նիստում ընդունված սահմանադրական փոփոխությունների օրենքին:
Ըստ քաղաքական մեկնաբանի՝ «նիկոլյան Հայաստանում» բոլորը պետք է ենթարկվեն Նիկոլ Փաշինյանի կամքին, այլապես կենթարկվեն հետապնդումների. «Նիկոլն ասում է՝ երբ պետք է Սահմանադրությունն աշխատում է, երբ պետք չէ՝ չի աշխատում: Նույն Սահմանադրությամբ Փաշինյանը երկրում արտակարգ դրություն է հաստատել, բայց Սահմանադրական դատարանի մասին օրենք է ընդունում՝ ՍԴ չի ուղարկում այն»:
Մենուա Հարությունյանի համոզմամբ՝ երկու տարի է Հայաստանը դուրս է եկել սահմանադրականության կետից ու կառավարվում է Նիկոլի կամքով. «Հայաստանի հպարտ քաղաքացիներն, ովքեր օգնում էին Նիկոլին երկիրը բռնազավթել ու ժողովրդավարություն հաստատել, այսօր տեսնում են դիկտատուրա»:
Դիտարկմանը՝ շարքային քաղաքացին չի հասկանում, որ երկրում բռնապետություն է հաստատվում, Մենուա Հարությունյանը նշել է. «Այսօր քաղաքացիներից շատերն իրենց վրա զգում են, որ երկրում արդարություն չկա ու շատ շուտով հասկանալու են նաև, որ երկիրը սահմանադրական ծիրից դուրս է եկել»:
Մենուա Հարությունյանը Նիկոլ Փաշինյանի ու իր իշխանության կողմից երկրի կառավարումը համարում է անփառունակ. «Կորոնավիրուսի պատճառով երկրում ստեղծված իրավիճակը Հայաստանը դարձրել է «իզգոյ» պետություն: Վրաստանը սահմանները բացում է, իսկ մեզ մոտ վարակվածների թվերը բարձրանում են ու Նիկոլ Փաշինյանն անճարությունից ժողովրդին ասում է՝ դիմակ կրեք»:
Հետևեք մեզ Viber-ում
