«Չքվե՛ք, սիրելիներս». Վլադիմիր Գասպարյանը՝ լրագրողներին

Ոստիկանապետ Վլադիմիր Գասպարյանը Հաղթանակի զբոսայգում  լրագրողներից մեկի այն դիտարկմանը, թե ասում են, վարչապետի ու ոստիկանության պետի հարաբերությունները լարված են պատասխանեց. «Այ էս թեմայով մի բան հնարեք: Նյութ չունեք երևի էսօր»: Մեկ այլ լրագրողի հարցին էլ ի պատասխան արհամարհական ասաց. «Չքվե՛ք, սիրելիներս, հա՞»։ Երբ լրագրողը հարցրեց,  թե ինչու է վիրավորում, նկատեց. «Ես ձեզ վիրավորեցի՞»։ Լրագրողները նշեցին, որ նման կերպ չի կարելի շփվել ԶԼՄ ներկայացուցիչների հետ։ «Եղավ»,- պատասխանեց ոստիկանապետը։