Ֆուտբոլիստը գնդակահարել է մրցավարին

Лента-ն գրում է,որ  Արգենտինական Կորդովա քաղաքում ֆուտբոլային խաղի ժամանակ սպանվել է հանդիպման գլխավոր մրցավար 48-ամյա Սեզար Ֆլորեսը: Մրցավարը խաղի մասնակիցներից մեկին կարմիր քարտ է ցույց տվել: Որոշ ժամանակ անց ֆուտբոլիստը դաշտ է վերադարձել զենքով և 3 անգամ կրակել Ֆլորեսի վրա: Փամփուշտները դիպել են նրա գլխին, պարանոցին և կրծքին, ստացված վնասվածքների հետևանքով նա մահացել է։   Վիրավորվել է նաև թիմերից մեկի ֆուտբոլիստ Վալտեր Սարատեն: Մարզիկին տեղափոխել են հիվանդանոց, այժմ նրա կյանքին ոչինչ չի սպառնում:   Մարդասպանի անունը չի նշվում,հայտնի է միայն, որ ֆուտբոլիստը 25 տարեկան է և այժմ գտնվում է հետախուզման մեջ: