«Ճվճըվ Արոյի» անուղղելի զավակի թանկարժեք Porsche Panorama-ն տեղափոխվեց «գաի պլաշչադկա». ՖՈՏՈՌԵՊՈՐՏԱԺ

Երեկ՝ մայիսի 8-ին, Ճանապարհային ոստիկանության 2-րդ սպայական գումարտակի 3-րդ վաշտի պահպանվող հատուկ տարածք է տեղափոխվել Porsche Panorama մակնիշի 10 RP 001 համարանիշի ավտոմեքենան։ Ինչպես հայտնում է ֆոտոլրագրող Գագիկ Շամշյանը, նշված ավտոմեքենայի վարորդը, ով եղել է հանցագործ աշխարհում վարկաբեկված «Ճվճըվ Արո» մականվամբ Արա Վարդանյանի որդին՝ քրեական պատմություններով հայտնի, «Սերժուլիկ» մականվամբ Սերժ Վարդանյանը, Երևան-Սևան ավտոճանապարհի Չարենցավանի վարչական շրջանում ճանապարհային երթևեկության կանոնները խախտելու համար կանգնեցվում է ՃՈ աշխատակիցների կողմից։ Մինչ ոստիկանները կմոտենային նրան, նա ավտոմեքենան թողնում և դիմում է փախուստի, հավանաբար, գիտեր, որ ՃՈ աշխատակիցները կպարզեն, որ ինքը դատարանի որոշմամբ ավտոմեքենա վարելու իրավունքից զրկվել է։ Գ. Շամշյանի տեղեկություններով՝ ավտոմեքենան 2016 թվականի արտադրության է, և այն նրա համար գնել է պապիկը, ով «Գազպրոմ Արմենիա» ընկերությունում բարձր պաշտոն է զբաղեցնում ու այս անգամ, երևի, օրինախախատ ու անուղղելի երիտասարդի Porsche-ը երկար ժամանակ կմնա «տուգանային» հրապարակում, և նա կզգա, որ «պապն ամեն անգամ գաթա ու փլավ չի ուտում»։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Գագիկ Շամշյանի