ՆԱՏՕ-ի լայնածավալ զորավարժություններ են մեկնարկել

Gazeta.ru-ի փոխանցմամբ, Էստոնիայում մեկնարկել են «Գարնանային փոթորիկ-2017» լայնածավալ զորավարժությունները՝ ՆԱՏՕ-ի անդամ և դաշնակից երկրների զինծառայողների մասնակցությամբ Զորավարժությունները կանցկացվեն հիմնականում երկրի հյուսիսում և հյուսիս-արևելքում:Դրանց մասնակցում է շուրջ 9 հազար մարդ, որոնցից 2 հազարն արտասահմանցի զինծառայողներ են: Մասնակից երկրների թվում են՝ ԱՄՆ-ը, Մեծ Բրիտանիան, Ֆրանսիան, Դանիան, Կանադան, Գերմանիան, Նիդերլանդները, Լեհաստանը, Ֆինլանդիան, Շվեդիան, Լատվիան, Լիտվան, Ուկրաինան և Վրաստանը: «Գարնանային փոթորիկը» կտևի ավելի քան 2 շաբաթ և կավարտվի մայիսի 25-ին: