Ֆրանսիայի առաջին տիկինը.ով է նա/տեսաշար/

Ֆրանսիայի նախագահական ընտրություններում հաղթանակ տարած 39-ամյա Ֆրանսուա Մակրոնը ամուսնացած է իր ուսուցչուհու հետ՝ գրում է kp.-ru-ն: 39-ամյա Մակրոնն ամուսնացած է իրենց 25 տարով մեծ 64-ամյա Բրիժիթ Թրոնյեի հետ: Մակրոնի և Թրոնյեի սիրային պատմությունն սկսվել է դեռ 1990-ականներին, երբ Էմանուելը սովորում էր Ամիենի կաթոլիկ դպրոցում, իսկ երեք երեխաների մայր Բրիժիթը նրա ուսուցչուհին էր, ավելի ճիշտ՝ դպրոցի թատրոնի խմբակի ղեկավարը, որտեղ հաճախում էր Մակրոնը: Մակրոնի ծնողներին դուր չէր գալիս այդ ամենը, և նրանք որդուն «աքսորեցին» Փարիզ ուսումն այնտեղ շարունակելու: Դա, սակայն, չնպաստեց կապի խզմանը:Երբ Բրիժիթն առաջին անգամ հանդիպեց Մակրոնին, իր միջնեկ դուստրը սովորում էր նույն դասարանում: «Ես երբեք նրան չեմ նայել որպես աշակերտի», - պատմել է Բրիժիթը «Մակրոններ» գրքի հեղինակներին: «Ամեն ուրբաթ մենք մի քանի ժամ սցենար էինք գրում: Մենք խոսում էին ամեն ինչից և հայտնաբերեցի կարծես միշտ ճանաչել ենք միմյանց», - պատմում է նա: Մակրոնի ծնողները, տեսնելով որ չի հաջողվում բաժանել նրանց, հանդիպում են Բրիժիթին: Մակրոնի մայրը՝ Ֆրանսուազը, Բրիժիթին ասում է՝ «Դու քո կյանքն ունես արդեն, սակայն նա երեխաներ չի ունենա»: Բրիժիթը պատասխանել է, որ ոչինչ չի կարող խոստանալ:Բրիժիթը սերում է հարուստ ընտանիքից: Նրա ընտանիքը կարողություն է ստեղծել քաղցրավենիքի արտադրությամբ: Բրիժիթի առաջին ամուսինը՝ Անդրե Լուի Օզիերը, բարձրաստիճան բանկիր է: Բրիժիթն ու Անդրեն ամուսնացել են 1974 թվականին, նույն թվականին են ամուսնացել նաև Մակրոնի ծնողները: Բրիժիթն առաջին ամուսնուց բաժանվել է 1997 թվականին և 10 տարի անց՝ 2007 թվականին, ամուսանցել Էմանուել Մակրոնի հետ: Մակրոնը լրագրողներին ասել է, որ ապագա կնոջը՝ Բրիջիթ Տրոնյոյին, սիրահարվել է 15 տարեկանում, երբ վերջինս 39 տարեկան էր: Բրիջիթը Էմանուելի ուսուցչուհին է եղել կրոնական դպրոցում: Այդ ժամանակ նա ամուսնացած էր և երեք երեխա ուներ: Տարիներ շարունակ նրանց հարաբերությունները պլատոնական բնույթ են կրել, սակայն 2007թ. Տրոնյոն ամուսնալուծվել է, որից հետո էլ դարձել է Մակրոնի կինը: Ֆրանսիական հասարակության տարակարծիք է Մակրոն-Տրոնյո զույգի հարցում. մի մասն անկեղծորեն հիանում է նրանց սիրով, մինչդեռ մյուսներն այդ ամուսնությունը համարում են Մակրոնի միասեռական ուղղվածությունը քողարկելու փորձ: Հայտնի է, որ ֆրանսիական լրատվամիջոցները բազմիցս գրել են Մակրոնի ու լրագրող Մատյե Գալեի կապի մասին: Մակրոնը հերքում է միասեռական լինելու տեղեկությունն ու նշում, որ շրջանառվող նմանատիպ լուրերը խիստ խոցում են իր սիրելի կնոջ զգացմունքները: