Ֆրանսիայի պատմության մեջ նոր էջ է բացվում. Մակրոնի ելույթը
RIA Novosti-ն հայտնում է ,որ նորընտիր նախագահ Էմանուել Մակրոնը ելույթ է ունեցել մոտ 40 հազար մարդու ներկայությամբ և նշել է, որ բարձրագույն պաշտոնում իր ընտրվելով հանրապետության պատմության մեջ նոր էջ է բացվում։ «Այսօր երեկոյան նոր էջ է բացվում մեր երկար պատմության մեջ։ Ես ցանկանում եմ, որպեսզի դա լինի վերստին ձեռքբերված հույսերի ու վստահության էջ»,-ասել է քաղաքական գործչը։ Նա խոստացել է ողջ ուժերով պայքարել ահաբեկչության դեմ ինչպես երկրի ներսում, այնպես էլ միջազգային արենայում։ «Ֆրանսիան ահաբեկչության դեմ պայքարում առաջին շարքերում կլինի ինչպես իր տարածքում, այնպես էլ միջազգային արենայում:Մտադիր եմ պաշտպանել Եվրոպան և ամրապնդել կապերը նրա ու շարքային քաղաքացիների միջև Եվրոպան ու աշխարհը Ֆրանսիայից հաղթանակներ են սպասում, և Ֆրանսիան կարդարացնի այդ սպասումները»,-ընդգծել է Մակրոնը։ «Ես կպաշտպանեմ Ձեզ՝ ի դեմս սպառնալիքների, ես կպայքարեմ Ձեզ համար ընդդեմ ստի, ընդդեմ անգործության, անարդյունավետության՝ բարելավելու յուրաքանչյուրի կյանքը։ Ես կհարգեմ բոլորին և յուրաքանչյուրին»,-նշել է Մակրոնը։
Հետևեք մեզ Viber-ում
