Հովիկ Աղազարյանը համամիտ չէ Ատոմ Ջանջուղազյանի հետ

ԱԺ-ում տեղի է ունենում Տնտեսական հարցերի ու ֆինանսավարկային և բյուջետային հարցերի մշտական հանձնաժողովների hամատեղ նիստը, որի օրակարգում ՀՀ 2019թ. պետական բյուջեի կատարման մասին տարեկան հաշվետվության մասին հարցն է։

«Իմ քայլ» խմբակցության պատգամավոր Հովիկ Աղազարյանը, դիմելով ֆինանսների նախարար Ատոմ Ջանջուղազյանին, նշեց, որ չօգտագրծվող հողատարածքների հետ կապված այսօրվա գործող դրույքաչափը մեկ տոկոս է, իսկ կառավարությունը առաջարկում է 0,25 տոկոս: 

Պատգամավորը հացրեց, թե նպատակահարմար կհամարե՞ն արդյոք, որ բոլոր հողատեսակների հետ կապված շահագործվող հողի նկատմամբ գործակից կիրառվեր և ավելացվեր գույքահարկը:

Ատոմ Ջանջուղազյանը նշեց, որ գույքահարկը չի դիտարկվում՝ տնտեսության զարգացման տեսակետից նշանակելի գործոն: «Գույքահարկի և տնտեսական աճի միջև կապը գրեթե զրոյական է, քանի որ այդ հարկատեսակը չի կանխորոշում, թե ինչպիսին պետք է լինի տնտեսության զարգացումը: Իսկ արտադրական նշանակության գույքի համար  եկել ենք այն եզրահանգման, որ դա նպատակահարմար չէ՝ որպես գործիք կիրառել: Չենք գնացել այն ճանապարհով, որ գույքահարկի փոփոխությամբ ինչքան խնդիր կա, այդ խնդիրները փորձենք լուծել, քանի որ գնահատել ենք, որ դա գործնականում հնարավոր չէ»,-ասաց նա:

Հովիկ Աղազարյանը չհամաձայնեց, որ գույքահարկը, որպես գործոն, ճիշտ կիրառման դեպքում չի նպաստի տնտեսության զարգացմանը: