Կնոջ ներկայացվածությունը տղմարդկանց ավելի զգոն է դարձնում. Աիդա Սերոբյան
«Կին ազատամարտիկների միության» նախագահ, գնդապետ Աիդա Սերոբյանն այսօր լրագրողներին ասաց, որ Արցախյան պատերազմում կանաց դերակատարությունը մեծ էր: «Արցախյան պատերազմում կանայք մեծ դերակատարություն են ունեցել։ 300-ից ավելի կանայք են մասնակցել Արցախյան պատերազմին. նրանք եղել են դիպուկահարներ, ֆիդայիներ։ Պատերազմի ժամանակ ամենավախկոտ տղամարդն իսկ առյուծ էր կտրում, երբ տեսնում էր՝ իր կողքին՝ զենքը ձեռքին, կին է մարտնչում»,- նշեց նա: Ըստ նրա՝ ԶՈւ կնոջ ներկայացվածությունը տղմարդկանց ավելի զգոն է դարձնում. «Կանայք պետք են և՛ պատերազմի, և՛ խաղաղության ժամանակ։ Ես հիշում եմ 1992թ., երբ մենք պետք է «Պուշկին Յալը» ազատագրեինք, ահավոր ծանր վիճակ էր, այդ ժամանակ մենք նահանջում էինք, և միայն 1993թ. փետրվարից ենք սկսել առաջ շարժվել։ Այդ ժամանակ, երբ տղաներն արդեն նահանջում էին, կրակեց մեր գնդացիրը, ու բոլորը զարմացած տեսան, որ Կարինե Գևորգյանը ոչ թե չի նահանջում, այլ մոտեցել է գնդացրին ու կրակում է ադրբեջանցիների վրա»:
Հետևեք մեզ Viber-ում
