Նեթանյահուին կդատեն

Իսրայելի վարչապետ Բենիամին Նեթանյահուին կդատեն կոռուպցիայի մեղադրանքով: Այս մասին տեղեկացնում է BBC-ն:

Նեթանյահուն պետք է մասնակցի առաջին դատական լսմանը, որը տեղի է ունենալու Երուսաղեմի շրջանային դատարանում: Նրան մեղադրում են 3 գործերով, որոնք անվանված են «1000» «2000» և «4000» գործեր:

Գործ «1000»-ով վարչապետը մեղադրվում է մեքենայությունների և վստահության չարաշահման համար:

Գործ 2000-ով նա կրկին մեղադրվում է նրանում, որ Իսրայելի վարչապետը, ըստ մեղադրող կողմի առաջարկել է իսրայելական Yediot Ahronot պարբերականի տարածքը բարելավել` փոխարենը պահանջելով իր մասին դրական լուսաբանումներ տալ:

Գործ 4000-ով Նեթանյահուն մեղադրվում է կաշառքի, մեքենայությունների և վստահության չարաշահման համար. Ենթադրյալ հանցագործության ընթացքում Նեթանյահուն զբաղեցրել է վարչապետի և կապի նախարարի պաշտոնները, մեղադրվում է «Բեզեք» լրատվական կայքի դրական լուսաբանման դիմաց հեռահաղորդակցական հսկա Բեզեքի հսկիչ բաժնետեր Շաուլ Ելովիչին նպաստավոր կարգավորիչ որոշումներ առաջարկելու համար: