Կրոնական վայրերը և թանգարանները կվերաբացվեն
Իրանի նախագահ Հասան Ռոհանին հայտնել է երկրում կորոնավիրուսի տարածման հետևանքով փակված թանգարանների, ինչպես նաև շիաների համար կարևոր նշանակություն ունեցող կրոնական վայրերի գործունեությունը վերսկսելու մտադրության մասին, գրում է «ՌԻԱ Նովոստի» գործակալությունը։
«Սրբավայրերը կբացվեն Իդ ալ-Ֆիթր տոնակատարությունից հետո, իսկ ինչ վերաբերում է երկրում բոլոր մզկիթների վերաբացմանը և առևտրային կենտրոնների գործունեության և աշխատանքի սահմանափակումներին, ապա այդ հարցը կքննարկվի ընթացիկ շաբաթում, որոշումը կկայացվի մայիսի 30-ին տեղի ունենալիք նիստի ժամանակ»,- ասվում է Ռոհանիի հայտարարությունում:
Հետևեք մեզ Viber-ում
