Մեքենաների վարձակալության Hertz խոշորագույն ընկերությունը կորոնավիրուսային ճգնաժամի հետևանքով սնանկության մասին է հայտարարել

Ավտոմեքենաների վարձակալությամբ զբաղվող խոշորագույն ընկերություններից մեկը՝ Hertz-ը, կորոնավիրուսի համավարակի հետ կապված ճգնաժամի պատճառով սնանկության մասին դիմում է ներկայացրել, գրում է «ՌԻԱ Նովոստի» գործակալությունը։

«Hertz Global Holdings-ն այսօր հայտարարել է, որ ընկերությունը և ԱՄՆ-ում ու Կանադայում գտնվող նրա մի շարք դուստր ընկերություններ ինքնակամ վերակազմավորման վերաբերյալ միջնորդություն են ներկայացրել Դելավեր շրջանի սնանկության գործերով դատարան»,- ասվում է ընկերության հայտարարության մեջ։