Ով է կորդինացրել 12-ի մանդատը հետ վերցնելու գործերը
Նախօրեին «Ծառուկյան» դաշինքի 23 պատգամավորի անունից մանդատից հրաժարվելու դիմում ներկայացրեց ԿԸՀ, մինչդեռ անմիջապես դրանից հետո այդ ցանկում ներառված անձինք սկսեցին հերթով ԶԼՄ-ներին հայտնել, որ իրենք մանդատից հրաժարվելու դիմում չեն ներկայացրել: Երեկ արդեն ԿԸՀ նիստի ընթացքում 12 հոգի նոր դիմում ներկայացրին, որով հայտնում էին, որ չեն հրաժարվում իրենց մանդատներից: Նիստից հետո հայտնի դարձավ, որ նրանցից ութի դիմումը բավարարվել է՝ կստանան մանդատները: Նրանք են՝ Արարատ Զուրաբյան, Սերգեյ Բագրատյան, Արթուր Մանուկյան, Նապոլեոն Ազիզյան, Խաչիկ Մանուկյան, Արտյոմ Ծառուկյան, Հարություն Ղարագյոզյան և Վահան Կարապետյան: Մեր տեղեկություններով այդ 12 հոգու ԿԸՀ-ից դիմումները հետ վերցնելու ողջ գործընթացը կազմակերպել է ԲՀԿ-ական պատգամավոր Աբրահամ Մանուկյանի որդին՝ Արթուր Մանուկյանը, ով դաշինքի ցուցակի 11-րդ համարն է, բայց Ծառուկյանը որոշել էր, որ նա էլ չի անցնելու պատգամավոր։ Իսկ վերջին օրը Մանուկյանի որդուն միացել է նաեւ Միասնություն շարժման ղեկավար Արման Վարդանյանը, ով նախաձեռնեց Ծառուկյանի վերադարձի գործընթացը, բայց հետո դուրս մնաց ցուցակից, հույս ուներ, որ ավագանու ընտրություններին ԲՀԿ-ի ցուցակը կգլխավորի, դա էլ տեղի չունեցավ։
Հետևեք մեզ Viber-ում
