Հռոմի պապը կոչ է արել միավորվել

Հռոմի պապ Ֆրանցիսկոսը, որը պապական այցով գտնվում է Եգիպտոսում, Կահիրեում մատուցած պատարագի ժամանակ կոչ է արել միավորվել ընդդեմ կրոնական ֆանատիզմի: Այս մասին հայտնում է Reuters­-ը: «Իրական հավատը մեզ ուղղորդում է պաշտպանել մյուսների իրավունքները նույն խանդավառությամբ, ինչպես պաշտպանում ենք մերը: Միակ ֆանատիզմը, որ կարող են ունենալ հավատացյալները, կարեկցության հանդեպ ունեցած ֆանատիզմն է: Մնացյալ բոլորը չեն գալիս Աստծուց և հաճո չեն նրան»,­-ասել է Ֆրանցիսկոս պապը: Աղբյուրը հիշեցնում է, որ պապական այցից 3 շաբաթ առաջ Կահիրեի քրիստոնեկան եկեղեցիներից 2-ում ահաբեկչություն էր տեղի ունեցել՝ խլելով 45 մարդու կյանք: