Մարին Լե Պենը վստահ է,որ կհաղթի
Նախագահական ընտրությունների՝ մայիսի 7-ին կայանալիք երկրորդ փուլում մեզ կհաջողվի հաղթանակ տանել «Հառաջ» շարժման հիմնադիր Էմանուել Մակրոնի նկատմամբ.նման վստահ հայտարարություն է արել Ֆրանսիայի նախագահի թեկնածու, «Ազգային ճակատի» առաջնորդ Մարին Լե Պենը: «Մենք բնավ էլ հիասթափված չենք արդյունքներից, մենք մնում ենք մրցակցի ուժեղ դիրքերում, մենք ունենք ձայների մեծ պոտենցիալ ռեզերվ: Մենք հաջողությամբ հանդես կգանք երկրորդ փուլում»,-ՏԱՍՍ-ի փոխանցմամբ ասել է նա: Նա իր մրցակցին՝ Էմանուել Մակրոնին, որակել է «թույլ» գործիչ, որը, չգիտի՝ ինչպես լուծել ահաբեկչության խնդիրը: «Ես եկել եմ, որպեսզի երկրորդ փուլի արշավ սկսեմ նույն այն միակ գործելաձեւով, որը ես գիտեմ. տեղում, ֆրանսիացի ժողովրդի հետ, որպեսզի նրա ուշադրությունը հրավիրեմ շատ կարեւոր թեմաների վրա: Այսօր դա ահաբեկչությունն է: Եվ ամենամեղմ բանը, որը մենք կարող ենք այդ հարցի շուրջ ասել, ապա դա այն է, որ Մակրոնը թույլ մարդ է»,-Reuters գործակալությունը մեջբերում է լե Պենի խոսքը:
Հետևեք մեզ Viber-ում
