Ֆրանսիայի արևելքում մարդկանց ընտրատեղամասից տարհանել են

Ֆրանսիայի արևելյան Բեզանսոն քաղաքի ընտրատեղամասերից մեկից մարդիկ տարհանվել են կասկածելի ավտոմեքենայի պատճառով: Այս մասին հայտնում է Le Eco թերթը: Գողացված համարվող ավտոմեքենան թողնված է եղել ընտրատեղամասի մոտ միացված շարժիչով: Դեպքի վայր են ժամանել սակրավորներ, բայց պայթյունի վտանգը չի հաստատվել: Այսօր առավոտյան Ֆրանսիայում նախագահական ընտրությունների առաջին փուլում քվեարկության համար ավելի քան 66 500 ընտրատեղամաս է բացվել: Ընտրություններին կարող է մասնակցել մոտ 47 մլն մարդ: