Փաշինյանը Փոստանջյանի վարքի մասին. տեսանյութ
Երեւանի քաղաքապետի թեկնածու, ԱԺ պատգամավոր Նիկոլ Փաշինյանն այսօր «Ազատություն» ռադիոկայանի ուղիղ եթերում պատասխանեց ֆեյսբուք սոցիալական ցանցի օգտատերերի հարցերին: Անդրադառնալով Երեւանի քաղաքապետի թեկնածու Զարուհի Փոստանջյանի դիտարկումներին, թե Նիկոլ Փաշինյանն արդեն պատգամավոր է եւ առանձնապես չի էլ պայքարում քաղաքապետի պաշտոնի համար՝ «Ելք» դաշինքի ներկայացուցիչը պատասխանեց. «Ես Երեւանի քաղաքապետի թեկնածու եմ առաջադրված, իմ գործունեության ընթացքում չի եղել որեւէ դրվագ, որ ես առաջադրվեմ որեւէ կարգավիճակի՝ առանց հավակնելու այդ կարգավիճակին: ԱԺ պատգամավորը կարող է լինել քաղաքապետի թեկնածու, ես քաղաքապետի թեկնածու եմ եւ եթե երեւանցիները որոշեն, որ ես պետք է լինեմ Երեւանի քաղաքապետ, ես կլինեմ Երեւանի քաղաքապետ»: Ֆեյսբուքյան օգտատերերից մեկի հարցն էլ վերաբերում էր «Կենտրոն» հեռուստաընկերության «Ուրվագիծ» հաղորդման եթերում Փոստանջյանի վարքին, երբ վերջինս «Ելք»-ին վերաբերող հարցի ժամանակ փորձել է պոկել կրծքին ամրացված միկրոֆոնն ու հեռանալ: «Ինչո՞վ էր իմ հանդեպ ոչ կոռեկտ: Դա հաղորդման եւ հյուրի հարաբերության հարցն է: Ես չեմ կարծում, որ որեւէ կերպ առնչվում եմ այդ իրավիճակին»,- ասաց Փաշինյանը: Մանրամսաները՝ տոսանյութում.
Հետևեք մեզ Viber-ում
