Որ Օպերա հաճախեն, ոչ թե ջինսերով, այլ պատշաճ հագուստով.Արմեն Ամիրյան

Մշակույթի նախարար Արմեն Ամիրյանը,լրագրողների հետ ճեպազրույցում, անդրադարձավ բեմադրիչ Ռուբեն Բաբայանի առաջարկին, որ օպերայի հարակից սրճարաններից եւ ավտոկայանատեղիից հարկեր վճարվեն հենց օպերային թատրոնին, ոչ թե քաղաքապետարանին, որով կբարելավեն թատրոնի ֆինանսական մուտքերը եւ թերֆինանսավորման հարցը կլուծվի:Թատրոնները թերֆինանսավորման խնդիր չունեն, իսկ առաջարկը կարելի է քննարկել,ասաց նա: Նախարարը կոչ է անում ռեստորանների փոխարեն ավելի շատ քննարկել թատրոնների խաղացանկը եւ թե ինչ  նորություններ են սպասվում  այնտեղ: «Ամբողջ աշխարհը  հաճախում է օպերա այլ մթնոլորտում.:Մեր հասարակությունը արժանի է, որպեսզի գեղեցիկ մթնոլորտում կարողանա իր երեկոն կազմակերպել: Շատ օպերային թատրոններում նույնիսկ արհեստական անտրակտներ են հայտարարում, որպեսզի մարդիկ հաղորդակցվեն: Մենք քիչ- քիչ գնում ենք նրան, որ մշակույթ փոխվի, որ Օպերա հաճախեն, ոչ թե ջինսերով, այլ պատշաճ հագուստով»,ասաց նա: Լրագրողներից մեկի այն   հարցին, թե ինչպես կհանգուցալուծվի Արենիի քարանձավների խնդիրը, քանի որ բնապահպանները անհանգստություն են հայտնում, թե այնտեղ հնարավոր է ժամանցային գոտի ստեղծվի, Արմեն Ամիրյանը պատասխանեց. «Այսօր քարանձավները բարձիթողի վիճակում են, մենք արձանագրել ենք դեպքեր, որ մարդիկ գումար են վերցնում, որպեսզի զբոսաշրջիկները ներս մտնեն, ո՞վ է վերահսկում, ոչ մեկը: Ունենալով ճիշտ պայմանագրեր՝ մենք  կկարողանաք վերահսկել եւ  ապահովել հետագա պեղումների աշխատանքները:Քարանձավների մոտակայքում ոչ ոք  չի կարող ռեստորան կամ սրճարան կառուցել: Դա օրենքը թույլ չի տա»։