Թուրքիայում հանրաքվեի ընթացքում խախտումներ են եղել. ԵԱՀԿ

ԵԱՀԿ Ժողովրդավարական կառույցների և մարդու իրավունքների դիտորդական առաքելությունների հայտարարությունում ասված է,որ Թուրքիայում սահմանադրական հանրաքվեի անցկացումը չի համապատասխանել Եվրոպայի խորհրդի չափորոշիչներին: Հանրաքվեն ավարտվել է կառավարման նախագահական ձևին անցում կատարելու կողմնակիցների հաղթանակով՝ ձայների աննշան գերակայությամբ։ Նախնական տվյալներով՝ նրանք հավաքել են ձայների 51.2 տոկոսը, ինչը 1.25 միլիոնով ավելի է, քան սահմանադրական բարեփոխումների հակառակորդներինը: «Սահմանադրական բարեփոխումների վերաբերյալ հանրաքվեն տեղի է ունեցել, որտեղ «երկու կողմերը հավասար հնարավորություններ չեն ունեցել»։ Ընտրողներն օբյեկտիվ տեղեկություն չեն ստացել բարեփոխումների գլխավոր բնագավառների մասին:Քվեարկության օրը լավ է կազմակերպված եղել: Ընտրությունների օրը ընտրական հանձնաժողովների աշխատանքին չի բավարարել թափանցիկությունը, նիստերը փակ են եղել հասարակության և դիտորդների համար, և միայն սահմանափակ թվով որոշումներ են հրապարակվել»,-ասվում է փաստաթղթում։