Բացասական գնահատական ՌԴ-ի եւ ԱՄՆ-ի հարաբերություններին
Հասարակական կարծիքի ուսումնասիրման համառուսաստանյան կենտրոնի կատարած հարցման արդյունքներով ավելի քան 80 տոկոսն այսօր բացասական գնահատական է տալիս Ռուսաստանի եւ ԱՄՆ-ի հարաբերություններին՝ դրանք համարելով լարված, սառը կամ թշնամական, ընդ որում՝ հարցվածների միայն երրորդ մասը մոտակա հեռանկարում դրանց բարելավման հույս ունի, իսկ 15 տոկոսը երկկողմ հարաբերությունների վատացում է սպասում: Սոցիոլոգները հաշվարկել են ռուսամերիկյան հարաբերությունների ինդեքսը, որն արտացոլում է ռուսաստանցիների կողմից երկկողմ հարաբերությունների գնահատումը: Ինդեքսը չափվում է կետերով, դրա մեծությունը կարող է տատանվել մինուս 100-ից մինչեւ 100. որքան բարձր է ցուցանիշը, այնքան ավելի լավ են ռուսաստանցիները գնահատում երկու երկրների հարաբերությունները: Վերջին մեկ ամսում այդ ինդեքսի մեծությունն զգալիորեն նվազել է. եթե ընթացիկ տարվա մարտին այն հավասար էր 45 կետի, ապա ապրիլին ընկել է մինչեւ 68 կետ: Այդուհանդերձ, դա ինդեքսի ամենացածր ցուցանիշը չէ ՀԿՈւՀԿ-ի ուսումնասիրությունների ընթացքում:
Հետևեք մեզ Viber-ում
