Կոչ.զրկել Ասադի կնոջը բրիտանական քաղաքացիությունից

BBC-ի ռուսական ծառայությունը փոխանցում է,որ  մի խումբ բրիտանացի պատգամավորներ կոչ են  անում զրկել Սիրիայի նախագահ Ասադի կնոջը բրիտանական քաղաքացիությունից և մտադիր են համապատասխան խնդրանքով պաշտոնական նամակ ուղարկել ներքին գործերի նախարարություն: Խորհրդարանականներն իրենց նամակում, որը ներկայացրել է Telegraph-ը, գրել են. «Եթե Ասմա Ասադը շարունակի պաշտպանել Ասադի հանցագործ ռեժիմի գործողությունները, բրիտանական կառավարությունը պարտավոր կլինի զրկել նրան քաղաքացիությունը կամ ապացուցել, որ նրա գործողությունները լուրջ հարված չեն հասցնում Միացյալ Թագավորության կարևորագույն  շահերին»: 41-այա Ասմա Ասադը ծնվել, մեծացել, կրթություն է ստացել Լոնդոնում, իսկ Սիրիա է տեղափոխվել 2000 թվականին: Նա ունի երկքաղաքացիություն՝ և Սիրիայի, և Բրիտանիայի: 2000 թվականին նա վերադարձել է Սիրիա, որտեղ էլ ամուսնացել է Բաշար Ասադի հետ: Սիրիայի առաջին տիկինը սոցիալական ցանցերում ունի մի քանի հաշիվ: Իր գրառումներում նա պաշտպանում է իր ամուսնու գործողությունները և քննադատության ենթարկում արևմտյան երկրների քաղաքականությունը: