Շմոլ գազից թունավորվածների կյանքը հաջողվել է փրկել

Shamshyan.com-ը գրում է. ոստիկանության Նոր Նորքի բաժնում հետաքննություն է սկսվել ապրիլի 14-ին Սուրբ Գրիգոր Լուսավորիչ բժշկական կենտրոն «շմոլ գազի թունավորում հարցականով» տեղափոխված քաղաքացիների թունավորման փաստով: Ինչպես հայտնում է ֆոտոլրագրող Գագիկ Շամշյանը, այդ օրը ժամը 07:40-ի սահմաններում Երևանի 1-03 շտապօգնության թիվ 52 և թիվ 53 հերթապահ խմբերը Ջուղայի փողոցի 3-րդ շենքի 25/ա բնակարանից նշված կենտրոն են տեղափոխել 31-ամյա Անահիտ Ավետիսյանին, 36-ամյա Կարեն Զաքարյանին, 21-ամյա Մանյա Սամվելյանին և 11-ամյա Ժաննա Զաքարյանին: