Վարչապետն Արցախ է մեկնել Քարվաճառի ճանապարհով՝ անակնկալի բերելով մարզպետին.

«Փաստ»-ի տեղեկություններով՝ նախօրեին, ոչ պաշտոնական այցով, ՀՀ վարչապետ Կարեն Կարապետյանը մեկնել է Արցախ։ Թվում  է՝  ոչ մի արտառոց բան չկա՝ սովորական այց է, սովորական լուր։ Բայց.... վարչապետը Արցախ է մեկնել Քարվաճառի (Քելբաջար) ճանապարհով։ Գեղարքունիքի տարածքով մեկնած Կարեն Կարապետյանի «շքախմբից» ոչ ոք այս մասին տեղյակ չի պահել մարզպետ Ռաֆիկ Գրիգորյանին։ Եվ ընդհանրապես, բոլորն անակնկալի են եկել։ «Փաստ»-ի տեղեկություններով՝ վարչապետը որոշել է այսուհետ սովորական դարձնել անակնկալ այցերը՝ ոչ ոքի տեղյակ չպահելով իր «մարշրուտի» մասին։ Բանն այն է, որ նա ուզում է անձամբ իր աչքով տեսնել ճանապարհի վիճակը տվյալ տարածքներում կատարված և ընթացիկ աշխատանքների որակն ու տեմպերը։